*****အနုပညာသက်သေ*: October 2008

Tuesday, October 21, 2008

မြန်မာ့ ပန်းချီကျော် ဝသုန် ကွယ်လွန် ရှာလေပြီ

မြန်မာ့ နာမည်ကျော် ပန်းချီဆရာ ဝသုန် (အမည်ရင်းမှာ ဦးခင်လှ) အသက် (၆၁) နှစ်သည် ယနေ့ နံနက်က အဆုတ်တီဘီ ရောဂါဖြင့် ကန်တော်ကလေး သူ၏ နေအိမ်တွင် နံနက် ၇နာရီ ၁၅မိနစ်တွင် ကွယ်လွန်သွားပြီ ဖြစ်သည်။

၁၉၈၈ ခုနှစ် ဒီမိုကရေစီ အရေးတော်ပုံ ကာလများဆီတွင် ရန်ကုန်မြို့ ၃၈လမ်းရှိ မော်လမြိုင် ကျောင်းတိုက်တွင် ဖွဲ့စည်းသော ကာတွန်း နှင့် ပန်းချီ ပန်းပု သမဂ္ဂတွင် အထွေထွေ အတွင်းရေးမှူး အဖြစ် တာဝန်ထမ်းဆောင်ခဲ့ဖူးသည်၊

၁၉၆၄ ခုနှစ်မှ စတင်ကာ မဂ္ဂဇင်းများတွင် သရုပ်ဖော် ပန်းချီများ စတင် ရေးဆွဲခဲ့သူ ဖြစ်သည်၊ သူ၏ လက်ရာများအနက် ချစ်ဦးညို၏ "လင်္ကာဒီပချစ်သူ" ရုပ်ပြကာတွန်း သရုပ်ဖော်ဖြင့် တဟုန်ထိုး ကျော်ကြားလာခဲ့သည်။ ၁၉၇၀ ဝန်းကျင်တွင် သူသည် ရေဆေး၊ ဆီဆေး နှစ်မျိုးလုံးဖြင့် ရေးဆွဲလေ့ရှိကာ ရေဆေးဖြင့် ရေးဆွဲခြင်းကို ပိုမို အားသန်သူဖြစ်သည်။

၁၉၈၈ ခုနှစ်အတွင်း ကိုရီးယားနိုင်ငံမြို့တော် ဆိုးလ်မြို့တော်နှင့် ၁၉၉၃ ခုနှစ်အတွင်း အမေရိကန်နိုင်ငံ ဖီလာဒဲလ်ဖီးယား တွင် ပန်းချီပြပွဲများ ကျင်းပခဲ့သေးသည်။

သူ့ အကြောင်းကို ရိုက်ကူးထားသော မှတ်တမ်းတင် ဗီဒီယိုအား အမေရိကန် ပြည်ထောင်စု၊ ဝါရှင်တန်ဒီစီ အခြေစိုက် National Geographic အဖွဲ့မှ အောက်တိုဘာလ (၃) နေ့တွင် ဆုချီးမြှင့်ခဲ့သော (၅) ကြိမ်မြောက် ရုပ်ရှင်ပွဲတော်၌ မျိုးဆက်သစ် လူငယ်ဒါရိုက်တာ ကြည်ဖြူသျှင် ဒုတိယအကြိမ် မှတ်တမ်းတင် ရုပ်ရှင်ရိုက်ကူးခဲ့သော A Sketch of Wathone သည် ပန်းချီ ဝသုန်၏ အနုပညာ၊ သူ့ဘဝ နှင့် မိသားစု အကြောင်းကို ၂၀၀၅ခုနှစ် အကုန်တွင် လင်ဆေး မာရစ်ဆင် ဦးစီးကာ အခြားသော ဥရောပနှင့် သြစတေးလျားမှ သင်ထောက်ကူ ၈ဦးတို့နှင့် အတူ ရုပ်ရှင်ပညာသင် ကျောင်းသူ၊ ကျောင်းသား ၁၂ဦးတို့ ပန်းချီ ဝသုန်၏ အိမ်နှင့် ရန်ကုန်မြို့ ဟော်တယ် အချို့တွင် ရိုက်ကူး ခဲ့သော ဝသုန့် အကြောင်း မှတ်တမ်းရုပ်ရှင်ဖြစ်သည်။

ကြာသပတေးနေ့ ညနေ ၃နာရီတွင် ရေဝေးသုဿန်တွင် သဂြိုဟ်မည် ဖြစ်သည်။ ကွယ်လွန်ချိန်တွင် ဇနီး ဒေါ်စန်းအေးနှင့် သား၂ဦး သမီး၂ဦး ကျန်ရစ်ထားခဲ့သည်။

"အစားထိုးမရသော မြန်မာ ပန်းချီကျော် ဝသုန် ကောင်းရာသုဂတိ လားပါစေ ………"
Photo from Flickr

ပန်းချီဝသုန်ရဲ့ ၀တ္တုတို
ပန်းချီဆရာဝသုန် ကွယ်လွန်သွားပါပြီ.. ဆရာဝသုန့်ကို ဆုံးရှုံးတာ ပန်းချီဆရာတယောက်တင်မဟုတ်ဘူး ဝတ္ထုတိုရေးသူတယောက်ပါ ဆုံးရှုံးရတာလို့ ပြောကြပါတယ်.. အမှတ်တရအနေနဲ့ သူရေးတဲ့ ၀တ္တုတိုလေးတစ်ပုဒ် တင်ပေးလိုက်တယ်.. အရမ်းတော့တိုပေမယ့် ကျေနပ်ကြမယ်ထင်ပါတယ်..း)(from ma nan nyi)

"အတိုတကာ့ အတိုဆုံးမေတ္တာစာ"
ပန်းချီဝသုန်ရဲ့ ၀တ္တုတို

လွန်ခဲ့သောနှစ်ပေါင်းနှစ်ဆယ်ကျော်က ...
ကျွန်တော်မိန်းမရစ .. ၊ အဘိုးအဘွားများရွာသို့ ရောက်ခဲ့၏။
“လူလေး၊ အခု မင်းဘာလုပ်သလဲ”
“ကျွန်တော် ပန်းချီဆွဲတယ် အမေကြီး”
“ လူလေး .. မင်း အိမ်ထောင်လည်းကျနေပြီ၊ ကိုယ်ဝါသနာပါရာချည်းပဲ လုပ်မနေနဲ့၊ အလုပ်လေးဘာလေး လုပ်ပါဦး”
အမေကြီး (အဘွား)သည် ဘုန်းကြီးကျောင်းမှာ စာနည်းနည်းသာ သင်ဖူး၏။ ခေတ်ပညာ မတတ်ပေ . .။
ကျွန်တော်ယဲ့ယဲ့ ပြုံးမိသည်။
* * *

တစ်နေ့က ရွာမှလူကြုံနှင့် ဆန်တစ်တင်း အမေကြီးပို့လိုက်သည်။ ပဲတီပင်ပေါက် လက်ရေးနှင့် အမေကြီး၏ စာတစ်စောင်ကိုလည်း ကျွန်တော်ဖတ်ရ၏။
"လူဂလေး အမေဂျီးစဂါးကို နားမထောင်ဘဲ ဗဂျီဘဲ ရေးနေသီ၊ ခလေးလည်း ၄ရောက်ရပီ၊ အလုပ်လေးဘာလေးလဲ လုပ်အုံး။
အမေဂျီး"

ကျွန်တော်နည်းနည်းမှ မပြုံးနိုင်။

ဝသုန်
(၁၉၉၀ ခုနှစ်၊ မေလ၊ မဟေသီမဂ္ဂဇင်း)