"အာဇာနည်” (ဒေါင်းနီ)

"အာဇာနည်”

(ဒေါင်းနီ)

နှစ်များစွာ နေ့ ည မပြတ် တုန့် ပြန်
တောက်ခေါက်သံ လျှံဝေနေတဲ့
လူထုရင်ထဲ တိုးလျှိုး ၀င်ကြည့်စမ်းပ ။

သောကသင့် နှလုံးသားနံရံမှာ
ဖျောက် မပျောက်။
ဖျက် မပျက်။
ဖယ် မပြယ်။
ချေ မကြေ။
ခြောက် မကြောက်။

ကျည်ဆံမိုးပေါက် ဒလစပ်အောက်
လွတ်လပ်ရေးဖခင် ရုပ်လွှာ
မြေမကျအောင် ရဲရဲမြှောက် မ။

ရင်အုံနဲ့ ပေါင် ကျည်တိုးခ။

သွေးပွက်စက်စက် လမ်းမထက်မှာ
နောက်မဆုတ် အသေခံ
အာဏာရှင်ကို အာခံရဲသူ
ကျောင်းသူလေး အမည်နာမ
ထာဝရ ၀င်းပ
တည်တံ့ ထင်ရစ်မြဲပ။ ။

(ဒေါင်းနီ)
၀၉-၁၅-၁၀

(စစ်အာဏာရှင်ကို လက်နက်မဲ့ အာခံ ဆန့် ကျင် တိုက်ပွဲဝင်ရင်း (၀၉-၁၉-၁၉၈၈) နေ့ တွင်
သက် စွန့်ပေးဆပ်ခဲ့သော အဌမတန်း ကျောင်းသူလေး မ၀င်းမော်ဦး
(၂၂)နှစ်မြောက် နှစ်ပတ်လည် ဂုဏ်ပြု အမှတ်တရ ။)












ဒီဇိုင်း ပန်းချီ ဒေါင်းနီ။

"ထာဝရ ရှစ်ဆယ့်ရှစ်" (ဒေါင်းနီ)

"ထာဝရ ရှစ်ဆယ့်ရှစ်"(ဒေါင်းနီ)

အဓိပတိ ရှစ်ဆယ့်ရှစ်ရေ ---
သင်ဟာ -
ရာဇ၀င်သက္ကရာဇ်မှာ တစ်ကြိမ်သာ လင်းလက်ပွင့်ဝေ
ရဲရင့် စွန့် လွှတ်ခြင်းတွေ ထာဝရ မွှေးပျံ့ နေ။

သင်ဟာ -
ဖိနှိပ်အုပ်စိုးသူတွေ ဦးခေါင်းကို နင်းချေဖြိုချ
စံပြသူရဲကောင်း အာဇာနည်ပေါင်းများစွာ မွေးခဲ့။

သင်ဟာ -
နေ့ တဓူဝ တစ်ရံမလပ် နှိုးဆွ သွန်းလောင်း
ငါတို့ ရဲ့  -
သင်းကွဲအာရုံအပေါင်းကို စီးနင်းဒုန်းစိုင်း
ပုန်ကန်တော်လှန်ခြင်း မျိုးစေ့ ဝေစိုက်ခဲ့။

သင့်ရဲ့  အမည်နာမတော်ဟာ -
ခဏ အသက်တာမှာ အပုတ်နံ့ ဟောင်ထနေတဲ့
ပဉ္စမံနဲ့  ဒေါက်တိုင်တွေကို သွက်သွက်ခါ ကိုင်လှုပ်
ဆွေစဉ်မျိုးဆက် အိပ်မက်ဆိုးတွေနဲ့  သွေးပျက်စေခဲ့။

သင့်ကို -
ခုတုံးလုပ် အမြတ်ထုတ်တဲ့ လောက်ကောင်တွေကို
နေရာအနှံ့  တရားစီရင် တစ်လွှာခြင်း ခွာချ အရေဆုတ်
လမ်းပေါ်ပြခင်း ပြည်သူအပေါင်း နင်းချေ ကခုန်ကြစေ။

အိုဘယ့် ရှစ်ဆယ့်ရှစ် -
သင့်ရဲ့  ခန္ဓာတွင်းက တသွင်သွင် စီးဆင်းလျှံကျ
ကြုံးဝါး တောက်ခေါက်သံတွေ ဟီးထလှိုင်ကြွ
မြို့ ပြ ကျေးလက် မကျန် စုစည်း ရှင်ပြန်ထစေခဲ့။

သင်ဟာ -
အဖိနှိပ်ခံတို့ ရဲ့ ဂန္ထ၀င် ရဲဘော်ကောင်းကြီး
မျိုးဆက်သစ် လျောင်းလျာတို့ ရဲ့  လမ်းပြသခင်
မကျွတ်မလွတ် ကြယ်တွေရဲ့ အလင်းရှင်ဖြစ်ခဲ့။

သင်ဟာ -
အာဃာတဖြေ စစ်ကျွန်ခံတေး လုံးဝမသီ
အတွေးအခေါ် အညံ့ခံ လုပ်ဟန်ဖောက်ပြန်တာမရှိ
ကိုယ့်ရဲဘော်ကိုယ် ထိုးကြွေး ချန်ပြေးတာ မရှိ
ရင်ကိုဖွင့်ကာ ကျောကိုလမ်းခင်း တံတားထိုး
လက်ညှိုးမိုးပေါက် မျက်လုံးမီး ဒေါက်ထောင့်ဒဏ်
အပေါ်အောက် ရပ်ရှစ်မျက်နှာ မဲ့ရွဲ့ခနဲ့ ရိသံ ကြံ့ကြံ့ခံ
မြေကိုလှန် ရေကိုဆန် အာကာယံ ထိုးဖောက်တက်ခဲ့။

၂၂တဲ့လား.....
ဝိညာဉ်တော်အပေါင်းရေ------
အသစ်တွေတိုး အဟောင်းထဲက
အကောင်းတွေ ရွေးစီစစ်
တရစ်ရစ်နဲ့  တဖြစ်ဖြစ်
တငွေ့ ငွေ့ ကျွမ်းလောင် ဆင့်ကာပေါက်ကွဲ
နင်းပြားတွေ ရင်ထဲက တားမရတဲ့
ဆန္ဒသောက မီးတောင်ရှင်တွေ။

၂၂ နှစ်ရောက်ပြန်ပြီ။ ကိုဖုန်းမော်ရေ---
အပြန်လမ်း ထမ်းပိုးသယ်လာတဲ့
နှောင်ကြိုးမဲ့ တိုက်ငှက်ကောင်းတွေ
နုပျိုလှပမှုတွေ ကျွတ်ကြွေလွင့်ထွက်
ရင့်ကျက် တည်ငြိမ်မှုတွေ ဖွံ့ ဖြိုးတိုးဆက်
ဇာတ်သိမ်းခန်း ပီတိပန်းတွေ လင်းလက်စေ။

နှစ်ဆယ့်နှစ်နှစ်တဲ့ - မ၀င်းမော်ဦးရေ ---
ရင်တွင်းဒိုင်ယာရီ တစ်မျက်နှာချင်းဖတ်ဖြေ
မကြေ မပြေ မရှုံး အလံမလဲသေးဘူး။

၈၈ရေ-
သင်ဟာ -
ဒဏ်ရာ ဗလပွဝတ်ရုံနဲ့  ရှင်သန်ခြင်းအလံကိုင်
သိက္ခာတော်ရ အောင်ခြင်းမင်္ဂလာ နံနက်ခင်း
သစ္စာလက်တွေကို ဖေးမ တွဲကိုင်ချီတက်

ရန် ငါ ရိတ်သိမ်းပွဲတော် ကျင်းပရမှာကို
တိုင်းပြည်ဆန္ဒတည်သရွေ့  စွဲမြဲယုံကြည်ထားတယ်၊။။။။။။။

(ဒေါင်းနီ)
၀၈-၀၁-၂၀၁၀

" ၆၃ ကို တိုင်တည်ခြင်း" (ဒေါင်းနီ)

" ၆၃ ကို တိုင်တည်ခြင်း"
(ဒေါင်းနီ)

ကြာနေပြီ ---
ဥသြဆွဲသံ ...မေလှမြိုင်လွမ်းချင်း..
တိတ်ဆိတ် ခြောက်ကပ်။
မကောင်းဆိုးဝါး ခေတ်မှာ ---
အာဇာနည်ပုံရိပ်ပင် မမြင်
ဦးညွှတ်ဂါရ၀ မပြုရ။
ခံစားမှု စာမျက်နှာ ပြန်ဖတ် ---
အတိတ်ဟာ စိတ်နာစရာ မကျေနပ်ချက် အပြည့်။

ဒီအချိန် စစ်ကျွန်ဘ၀ ရလိုသူများ -
သိက္ခာသုတ်သင်ပွဲ
အိုးမဲအပြန်အလှန်လူး
လုဝင်နေ။

မျိုးဆက်ပွင့်သစ် ---
အနာဂတ်တွေ လှပဖို့ 
အာရုံဖြစ်သမျှ ဘယ်တော့မှ မမေ့ မပြေ
ရင်ဆိုင် ပုန်ကန်မြဲဟေ့ ၊ ၊

ကဗျာနှင့်ပန်းချီဒီဇိုင်း (ဒေါင်းနီ)
၀၇ - ၁၆ - ၂၀၁၀

“ သမဂ္ဂ အိပ်မက်ကျိန်စာ” (ဒေါင်းနီ)

“ သမဂ္ဂ အိပ်မက်ကျိန်စာ”
(ဒေါင်းနီ)

ဆူညံပေါက်ကွဲ ညီးတွားကျိန်းဝါးသံ လျှံတဲ့ နေ့ လည် အာဂအိပ်မက်
ဝါ၀ါရွှေသွေး ဂုဏ်သိက္ခာကြီးမြတ်တင့်တယ်မှု အခါသမယ
စိမ်းရွက်ပျိုတွေ လေရိုင်းခလို့  တ၀ုန်းဝုန်းကြွေ
နီနီရဲရဲဖူးသစ်တွေက ပြန်အာခံရင်း တဝေေ၀ မွှေးပွင့်
အိုးဝေတေးသံ မိုးလုံးလျှံ နောင်တော်အပေါင်း နိုးထကြ။

ပြိုကျကာလ ကြာရှည် နာကျည်းမှု ဝေဒနာတွေ
စုစည်းရင့်လာ မာသထက် ကျစ်လစ်ခိုင်တင်း
လင်းလက်စူးရှ အချုပ်အမှောင် ထွင်းဖေါက်ကြ။

ဒီမှာ--
စစ်ဖိနပ် တစ်ချက်ပေါက်တိုင်း
ပြည်သူ့ ရင်ပြင် မီးဟုန်းဟုန်းထတောက်
လူထု ကျောင်းသား ထောင် သေခြင်းတရား မှောက်လှန်နေ။


အတိတ် ဗားကရာချောက်ရင်ခွင်မှ
ဒီနေ့  ကမ္ဘာ့ရိုးမကျောထက်ထိ
ဒဏ်ရာ အမာရွတ်ဗလပွ အရေပြား အလံလုပ်
အရိုးတံပိုးတွန်သံ ဆက်ခါမှုတ်
ရာဇ၀င်သွေးစာရင်းကျိန်စာ သံပြိုင်သီကြူးကြ။

ဒီ ကာလ---

အမြင်အကြား ရင်စကားများ သန္ဓေတည်စပင် ထိန်းချုပ်ပိတ်လှန့် ခံရ
ဝင်သက်ထွက်သက်တိုင်း နာကျင်မှုလှိုင်း တနင့်နင့်တိုး
ယုံကြည်မှုဝိညာဉ်တွေနဲ့  ချီတက်မှုအဆုံး ရဲရင့်အောင်မြင်ခြင်းများ
သောင်တင်နေတဲ့ ဖြစ်သင့်တာတွေ တွန်းကန်မျှောချ
ကဒေါင်းအိပ်မက်တွေ မျှော်လင့်တမ်းတမှုအပြည့် နဲ့ 
အမေ့အိမ်ဂေဟာ တံခါးဝ သပြေညိုတွေနဲ့ ဝေနေစေ။

ဒီ ၀သုန်မြေလွှာ---
အိမ်တိုင်း မေတ္တာရှင် အမေရှိတယ်
အမေတိုင်း အမှန်တရားချစ်တဲ့ ကျောင်းသားရှိတယ်
ကျောင်းသားတိုင်းမှာ ရဲရင့်ဖြူစင်တဲ့ အတွေးအခေါ်ရှိတယ်။

အတွေးအခေါ်တိုင်းမှာ ဦးညွတ်စံထားတဲ့ သမဂ္ဂရှိတယ်
သမဂ္ဂတိုင်းမှာ တောက်ပတဲ့ သွေးမှော်ကွန်းရှိတယ်။

စီးဆင်းသွေးရဲ့  ဂုဏ်ရောင်ပြောင်မှု အလီလီကို
ဖြန့် ခင်းချယ်သရင် ကမ္ဘာကုန်ကျယ်သရွေ့  နီမြန်းခနေမယ်။

ဒီ ကျောင်းသားသမိုင်းမှာ---
အာဇာနည်သူရဲကောင်းများ သွန်းလောင်းမွေးဖွား
သခင်စိတ်နဲ့  ယူနီဗာစီတီ သပိတ်
အောင်ကျော်။ရာကျော်။ရာပြည့် အရိပ်
အဓမ္မလုပ်ကြံခံရတဲ့ သမဂ္ဂ။

ဦးသန့် ဈာပန
ရှစ်လေးလုံး ကာလ
ကိုးဆယ့်ခြောက်ညနေ
စစ်မိစ္ဆာနဲ့ ကျောင်းသားသူပုန် ရင်ဆိုင်အလံလု
အဓိပတိနဲ့  ဘွဲ့ နှင်းသဘင် အပူမီးခ မျက်ရည်ကျ
ကံ့ ကော်နဲ့ရေတမာ သောကဒေါသ ပွင့်ဝေကြ။

သထုံနဲ့ သဟာယ ရာဇ၀င်ကြွေးပြန်တူးဆွ
ပြာပုံထဲက အငြှိုးမာန သက်ဝင်ရုန်းထ
ခွပ်ဒေါင်းမှန်သမျှ တက်လက်ညီစွာ
စစ်အရေခွံတွေ ခွပ်ခွာချွတ်ချေ စီရင်ချက်ချကြ။

ဒီ သစ္စာခရီးကြမ်းရှည်လမ်းထဲ---
တချို့  မြို့ ကန္တာရထဲ နှစ်မြုပ်ပျောက်ကွယ်
တချို စုံမြိုင်ဂနိုင်ရိုင်းထဲ ကြွေလွင့်ကျိုးကျေ
တချို့  အလင်းမဲ့ နံရံထဲ ပိတ်လှောင်ပျက်စီး
တချို့ လေလွင့် လွင်ပြင်ထဲ ဝေးကွာစီးမျော
တချိ့  ဘ၀အာရုဏ် အာဃာတနဲ့ မျက်နှာသစ် တောက်ခေါက်
တချို့  ရင်ခုန်သံ ကောက်သင်းကောက် တွဲသီကာ
ကာလ ရာသီ တရံမလပ် သင်ပုန်းမကြေ မပြေမောဟ
နံရံထက်က သွေးနဲ့ ရေးတဲ့ မမေ့ကြေး- ချီမ -တစ်သားတည်းကပ်
မရပ်မနား ဥဒါန်းမကြေ သမဂ္ဂတေးနဲ့  ကမ်းဆင့် လှမ်းတက်လာနေကြ၊ ၊

ဒေါင်းနီ
၀၇-၀၃-၂၀၁၀
ဆဲဗင်းဂျူလိုင် အမှတ်တရ တမ်းတမှု

(မှတ်ချက် )၊။ ၊ ။
ရာသီစာ ကြွေးကြော်သံရေးဖွဲ့ မှုမဟုတ်။
သဲတပွင့်မျှ ပေးဆပ် အလုပ်ကျွေးပြုခြင်းဖြစ်သည်။

ကမ္ဘာ့ အန္တိမ မိခင် (ဒေါင်းနီ)

ကမ္ဘာ့ အန္တိမ မိခင်

နည်းပညာတွေ သည်းသည်းလှုပ်ခါ
ကံကောင်းခြင်းတွေ အကြိမ်ကြိမ်လွဲချော်
စွန့် လွှတ်ပေးဆပ်မှုတွေ အခါခါကြွေ
ဟော့ဒီ သတ္တလောကမှာ အမှန်တရားကြောင့်
ပုခက်လွှဲသော မေတ္တာလက်
ဘဒ္ဒကမ္ဘာကို အုံကြွနိုးထအောင်
စဉ်ဆက်မပြတ် ကိုင်လှုပ်ပြတယ်---။

အမေ့အမည် သတ္တိ ကြားရုံမျှ
ဝေနာယျာ အပေါင်း
လေးစား စာနာ အားပေးကြ
အကောင်းဆုံး ဂုဏ်ဘွဲ့ ထူးတွေချီးမြှင့်ကြ
ပန်းတဝေေ၀နဲ့  လွတ်လမ်းရစေ ဆုတောင်းကြ---။

အမေ အမေ ဒေါ်အောင်ဆန်းစုကြည်
သာမန်အတွေးအခေါ်နဲ့ မိန်းမသားမဟုတ်
အစဉ်အလာအရ တော်လှန်မျိုးဂုဏ်ကြီးမြတ်
အမိမြေနဲ့ ပြည်သူကို
ဦဆွေးဆံမြည့် အလုပ်အကျွေးပြု
ဘေးရန်ကပ်ဆိုး အမျိုးမျိုး မောင်းထုတ်ဖို့ 
ဘ၀ပုံအပ် ခေါင်းဆောင်ကောင်းသမိုင်း ရေးထွင်းနိုင်သူ။

ပြန်ပြီး စစ်ရင် အရင်းအနှစ်မှာ---
အဘီက နေမ၀င် အင်ပါယာလှိုင်းကို
မြင်းတစ်စီး ဓါးတစ်လက်နဲ့ ထိုးဖောက်
ပုန်ကန် အာခံ
သူ့ ကျွန်မခံတဲ့
ခေါင်းဖြတ်သာ ခံခဲ့သူ။

အဖေက နယ်ချဲ့ နဲ့ ဖက်ဆစ်ဝါဒရိုင်းကို
သွေးသောက်သုံးကျိပ် စ ဗဟိုပြုဖြိုကြ
ရရင်ရ မရရင်ချတဲ့
အာဇာနည်းသွေးခင်းပြခဲ့သူ။

အမေက ဂရုဏာရှင် သံအမတ်
ချစ်ကြည်ရေးလမ်း ထုဆစ်ကာတည်ဆောက်

သီရီသုဓမ္မာနဲ့  ဆင်ဖြုတော်ဘွဲ့ အပ်ခံ

စစ်အာဏာရှင်ကို ဆံတခြည်မျှ ဦးမညွတ်သူ။

သမီးက နိုဘယ်လ်ငြိမ်းချမ်ရေးဆုနဲ့ လူထုခေါင်းဆောင်

ပြည်သူ့ အာဏာ အောင်လံလွှင့်တင်ရန်
ရင်သွေးကို ပစ်ခဲ့ရ
ချစ်လင်ကို စွန့် ခဲ့ရ
စည်းစိမ်ဥစ္စာ ပယ်ခဲ့ရ
ပိတ်ဖယ်။ထောင်။အချုပ်
ပုတ်ခတ်လုပ်ကြံမှုတွေ ခါးစည်းခံ
နှလုံးသွေးနဲ့  လူထုအပူ ငြိမ်းစေလိုသူ။

အဲဒီသူမ ဘာနဲ့ မှ
ထပ်တူပြု နှိုင်းမရ
အာဂအပြုံးနဲ့  စံထားစရာ ပြည့်လျှံ
လောကဓံကို ဦးမော့တွန်းလှန်ရဲခဲ့
မတရားတဲ့ အမိန့် အာဏာဟူသမျှ
တာဝန်အရ ဖီဆန်ကြလော့
ရဲရင့်စွာ ဥဒါန်းကျူးစိမ်ခေါ်ပြ
အဇ္ဇျတ္တတရားနဲ့  လူထုအား
ကမ္ဘာ့လူသားများနဲ့ သစ္စာဆိုနေ။

ဒါတွေဟာ ဒဏ္ဍာရီ မဟုတ်---
စတေးမှု အလီလီသီလာတဲ့
ငါတို့  ရဲ့ ဂန္တ၀င်အမွေ
ငါတို့ အားလုံးရဲ့  အမေ
သူရဲကောင်းတို့ ရဲ့  မိခင်
ပြည်သူတွေရဲ့  အလင်းဖန်ဆင်းရှင်။

စစ်မိစ္ဆာ သွေးစုတ်ကောင်တွေက
အမေ့ ဘုန်းတန်ခိုး ညှိုးပြိုခဖို့ 
အမှောင် နှောက်တင်း လှောင်သွင်းချုပ်
အို နာ သေအောင် ညှင်းဆဲလုပ်နေ
အမေ့ အလင်းတွေဟာ
မြူမှုန်မျှပင် မမှိန်မလျော့
လောက မီးရှူးတန်ဆောင်လို တောက်ပ လင်းလက် စူးရှ
ထာဝရ ပွင့်ဝေ မွှေးပျံ့ နေမြဲဟေ့ ၊ ၊

ဒေါင်းနီ

(၂၀၁၀ ဇွန်လ ၁၉ရက်တွင် ကျရောက်သော
ကမ္ဘာ့ငြိမ်းချမ်းရေး နိုဘယ်လ်ဆုရှင် ဒေါ်အောင်ဆန်းစုကြည် (၆၅) နှစ်မြောက်မွေးနေ့ 
ဂုဏ်ပြု အမှတ်တရ ကဗျာ)

သမတ အိုဘားမား ကိုယ်တိုင် ဂုဏ်ပြုလက်မှတ် ပေးအပ်ခံရသူ=မချောငြိမ်းကျော်

သမတ အိုဘားမား ကိုယ်တိုင် ဂုဏ်ပြုလက်မှတ် ပေးအပ်ခံရသူ=မချောငြိမ်းကျော်

ဒီကလေးမလေးရဲ့ အမည်က ချောငြိမ်းကျော်။ သူ့အဖေက ပြည်ချစ်ရဲဘော်ဟောင်း၊
အမေက ရန်-ငါ စည်းပြတ်တဲ့သူ။ ဒီကလေးမလေးဟာ သူ့မိဘ+မိသားစုနှင့်အတူ
ထိုင်း-မြန်မာနယ်စပ် ဒုက္ခသည်စခန်းတခုကနေ အမေရိကကို ၂ဝဝ၄ ခုနှစ်မှာ ရောက်လာခဲ့သူ။
အဲဒီတုန်းက ဒီကလေးမလေးက တတိယတန်းကျောင်းသူ။
အခု အမေရိကမှာ နဝမတန်းကျောင်းသူအဖြစ် ကျောင်းတက်ရန်စောင့်နေသူ။
သူတက်နေတဲ့ ကျောင်းမှာလည်း ကျောင်းဘောလုံးအသင်းရဲ့ ရှေ့တန်း တိုက်စစ်မှူး။
သူနေနေတဲ့နေရာက OHIO အိုဟိုင်းယိုးပြည်နယ်၊AKRON အာခရွန့်မြို့ ၊အစိုးရ အိမ်ရာဝင်း။

အခု မိဘတွေက အိမ်ထောင်ရေး အဆင်မပြေကြ။

လွန်ခဲ့တဲ့ ၂နှစ်ကျော်က အမေရိကမှာ ရဲဘော်အေသင်တို့ရဲ့ မြန်မာပြည်လွတ်မြောက်ရေး မိုင် ၃ဝဝဝ ငြိမ်းချမ်းစွာဆန္ဒပြ လမ်းလျှောက် ခရီးစဉ်မှာ ချောငြိမ်းကျော်ဟာ ခွပ်ဒေါင်းမလေးအဖြစ် လိုက်ပါ ပူးပေါင်းဆောင်ရွက်ခဲ့တယ်။

အလားတူ ရဲဘော်မောင်မောင်တိတ်တို့ ရဲ့ ဒေါ်အောင်ဆန်းစုကြည်နှင့် မြန်မာပြည်လွတ်မြောက်ရေး မိုင် ၉ဝဝ ငြိမ်းချမ်းစွာဆန္ဒပြ လမ်းလျှောက် ခရီးစဉ်တွင် တက်ကြွစွာ ပါဝင်ခဲ့တယ်။

ယခု ၂၀၁၀ခုနှစ်မှာ သူနေတဲ့ကျောင်းမှာ အမေရိကန် သမတရဲ့ ပညာရည်ချွန် ထောက်ပံ့ရေးဆုကို ဆွတ်ခူးနိုင်လို့
ယခုနှစ် မေလထဲမှာပဲ
ဝါရှင်တန်ဒီစီ၊သမတ အိမ်ဖြူတော်မှာ
အမေရိကန် သမတ အိုဘားမား ကိုယ်တိုင် လက်ဆွဲနှုတ်ဆက်ပြီး

ဂုဏ်ပြုလက်မှတ် ပေးအပ်ခံခဲ့ရတယ်။

မြန်မာခွပ်ဒေါင်းမလေး ချောငြိမ်းကျော် စိတ်ဝင်စားတဲ့ ဘာသာရပ်က
သမိုင်းရုပ်ကြွင်းတူးဖော်လေ့လာရေုးဖြစ်ပြီး ၊
မွေးချင်း (၄)ယောက်တွင် သူမက ဒုတိယမြောက် အဖြစ် မြန်မာခွပ်ဒေါင်း မျိုးဆက်လေး၊

အနာဂတ်ရဲ့ မြန်မာအမျိုးသမီးတို့ရဲ့ ကြယ်တပွင့် ဖြစ်လာမည့်သူ ချောငြိမ်းကျော် တယောက်
ယခုလို ထူးချွန်လာတာကို ၊မြန်မာပြည်ထဲမှာ ဒီမိုကရေစီရရှိရေးအတွက် ကိုယ်ကျိုးမဖက်ဆောင်ရွက်နေတဲ့
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်သာ ကြားသိရရင် ဘယ်လောက်ဝမ်းမြောက်လိုက်မလဲ။
ဒေါ်အောင်ဆန်းစုကြည်သာသိရင် ဇွန် ၁၉ရက် မြန်မာနိုင်ငံ အမျိုးသမီးများနေ့မှာ ထူးချွန်တဲ့ အမျိုးသမီးလေး
တွေကို ဂုဏ်ပြုဆုတွေ ချီးမြှင့်မှာ အသေအချာပါပဲ။

မြန်မာ့ခွပ်ဒေါင်းသွေး မျိုးဆက်သစ်ဖြစ်တဲ့ မချောငြိမ်းကျော်တယောက်လည်း

ဒေါ်အောင်ဆန်းစုကြည်နဲ့တကွ ခေတ်အဆက်မှာ ကိုယ်ကျိုးစွန့် အနစ်နာခံ ထူးချွန်းသွားကြတဲ့
အမှန်တရားကို မြတ်နိုးတဲ့ မြန်မာအမျိုးသမီးတွေလို သမီးကောင်း ရတနာတပါး ဖြစ်ပါစေ၊

ဒေါ်အောင်ဆန်းစုကြည်နှင့် မြန်မာပြည်ကို ချစ်ရင် ၊ရောက်တဲ့နေရာမှာ ထူးချွန်ထက်မြက် လိမ္မာယဉ်ကျေးတဲ့
မြန်မာအမျိုးသမီးကောင်းတယောက်အဖြစ် ဆက်လက်ကြိုးစားစေချင်တယ်။

မိတ်ဆွေကောင်းတွေနဲ့တွေ့ကြုံပြီး၊ မိတ်ဆွေကောင်းတို့ရဲ့ တန်ဖိုးကို အလေးထားနိုင်တဲ့ အမျိုးသမီးလေးတယောက်ဖြစ်ပါစေလို့ မြန်မာအမျိုးသမီးများနေ့အမှတ်တရအဖြစ်
ရေးသားလိုက်ပါတယ်။

(ရဲဘော်ဒေါင်းနီ)
(အကျဉ်းကျခံနေရသော ကမ္ဘာ့ ငြိမ်းချမ်းရေးဆုရှင် ဒေါ်အောင်ဆန်းစုကြည်၏ ၆၅ နှစ်မြောက် မွေးနေ့ နှင့် မြန်မာနိုင်ငံအမျိုးသမီးများနေ့ အမှတ်တရ ။)

ဆူးမစူးတဲ့ စု (ဒေါင်းနီ)

ဆူးမစူးတဲ့ စု (ဒေါင်းနီ)

သက္ကရာဇ်တွေ တစတစ ကြွေ
ဆူးတောင်တွေ တဖြေးဖြေးရစ်
မျှော်လင့်ချက်တွေ တငွေ့ ငွေ့ ဆင်း
သင်းကွဲလေရိုင်းကြမ်းတွေ
အကြိမ်ကြိမ်ဖြိုလှဲချ မရတဲ့ ကောင်းကင်သစ်ပင်။

ဒုက္ခမီးလှိုင်းဆိုးကြီးတွေ
ခဏခဏ၀ါးမြိုချေမရတဲ့ ဂန္တ၀င်ပန်းပွင့်။

စူးရှပြင်းထန် စစ်အာဏာသံတွေ
အခါခါဖုံးလွှမ်းမရတဲ့ အပြုံးကြယ်စင်။

သောကပင့်သက် နင့်နင့်ကြိတ်ရှိုက်
ဝေးလွင့်ရဲဘော်တွေကို နှုတ်မဆက်လိုက်ရတဲ့ အလင်းရှင်။

ပိတ်လှောင်နှောင်တည်း တားဆီးမှုတွေ
အလီလီဖဲ့စား ချိုးမရတဲ့ သစ္စာဓါးတစ်လက်။












မနက်ဖြန်များစွာ---
တိုက်ပွဲဖော် အားမြှင့်ထပ်ဆင့်တိုး
ကမ်းလင့်ကြိုဆိုသူတွေနဲ့ 
ကျွမ်းရင့်ညှိုးငယ်သူတွေနဲ့ 
လမ်းသစ်တိုးဖွင့်သူတွေနဲ့ 
တမ်းတအာခံ ပုန်ကန်သူတွေနဲ့ 
ယတြာ မန္တန် မမန်းမှုတ်
ကမ္ဘာ့သမိုင်းစာမျက်နှာ လှုပ်နှိုး
ဒဏ်ရာဝေဒနာ ဆုပ်ကိုင်ထားကာ
ကတိမေတ္တာ ရင်တွင်းလမ်းခင်း
အကျဉ်းစံ ရူးသွပ်ကြေ အမှောင်တိုက်မှာ
ခေါင်းအစ ခြေအဆုံး သွေးချင်းဖုံးပစေ
ဘယ်တော့မှ
ဒူးမထောက် အလံမလှဲခဲ့သူ (အမေ ) ၊ ၊

(ဒေါင်းနီ)

ပုန်ကန်ရှင်သန်ခြင်း၏ သစ္စာ ကဗျာစာအုပ် မျက်နှာဖုံးပန်းချီ နှင့် ထာဝရ ကဗျာ

“ကျည်ကဗျာ ကွဲကြေကျဆုံးခန်း ” -ဒေါင်းနီ

ကျည်ကဗျာ ကွဲကြေကျဆုံးခန်း

လူထုအပူ နှစ်ကူးမှာ မမျှော်လှူ

ပြည်သူကို သွေးခင်းပေးဆပ် ကာကွယ်လိုသူ

ရဲဘော်မောင်ငြိမ်းလူ ( ဟယ်လပင်)

ပုန်ကန်သူဖော်တသင်းကိုချန်

ဝိညာဉ်တပ်တော် အားဖြည့်တွဲရံဖို့ 

ရုတ်တရက် ထွက်ခွာသွားပြီကော။

သူရဲကောင်းတို့ မည်သည်

သူ့ အသက်ထက် ယုံကြည်ချက်ကိုတွယ်

လောကနံနက်ခင်းကို ရင်နှင့်ရင်းဖတ်သူပါ။

မင်းဟာ ရဲရဲတောက် စွန့် ပြီး

ရန် ငါ စည်းပြတ်

ကျည်ပေါက်သံချွေ

ကဗျာပန်းတွေ ဝေနိုင်ခဲ့သူ။

စစ်တလင်းကို မငြင်းခဲ့သူ

ရဲဘော်တွေကို သွေးချင်းထက် တွယ်တာသူပါ။

မင်း နဲ့  ငါ

သံလွင်။သောင်ရင်းရေ အတူသောက်

ဒေါနနဲ့ တနင်္သာရီတောင်တန်း အတူလှမ်း

သောက်စား အတွေးပွား အတူ စကားမာခဲ့။

မာနယ်ပလော။ထူးရာစိုးကဖေး

လူ့ဘောင်သစ်။အန်အယ်လ်ဒီရုံး

ဂရင်းကုန်း။ရဟန်းပျိုကုန်း

စာပေကလပ်။မယ်တုလျှိုချောင်းလမ်း

သေနတ်တစ်လက်။စာ သကာတစ်ဖက်

အတူမက်ခဲ့ကြ။

 မင်းနဲ့ ငါ

အတိတ်ကို ပြန်ထမ်းပိုးတဲ့အခါ

ငါက လသာ(စင်ထရယ်)ကျောင်း

မင်းက ဗိုလ်တစ်ထောင် (စိန်ပေါလ်)ကျောင်း

ရန်ဟောင်းတွေကို

ပြန် ရီမောဖတ်ကြ။

ပကတိဘ၀မှာ ယုံကြည်တူ ခရီးသည်တွေဖြစ်ကြ

အနာဂတ်ကို

ငါတို့ တည်ဆောက်မယ်လို့ 

ခံယူခဲ့ကြ။

ခုတော့

သွားနှင့်ပေဦးတော့

ရဲဘော်ကြီးသူငယ်ချင်းရေ

မင်းရဲ့ သမိုင်းလမ်းမှာ

တာဝန်ကျေစွာ ကြွေလွင့်ခြင်းကို

နောက်ကျမှ သိရှိတုန်လှုပ်ရ

နှုတ်ဆက် အမျှဝေခွင့်မရ

ဟိုး-ဝေးဝေးကသာ

အလေးပြုခွင့်ပေးပါ သူငယ်ချင်း။ ။

ဒေါင်းနီ

(ဧပြီလ (၂၉)ရက်။၂၀၁၀ခုနှစ်။နံနက်(၃)နာရီတွင် ရုတ်တရက် ကျဆုံးကြွေလွင့်သွားသော သူငယ်ချင်းရဲဘော်ကြီး ကဗျာဆရာမောင်ငြိမ်းလူ (ဟယ်လ်ပင်) အတွက် )